Vorönn 2024

Fjöldi

Á vorönn 2024 eru 457 nemendur skráðir í fjarnám við Verzlunarskóla Íslands. Af þessum 457 nemendum eru:

• 63 (13,6%) nemendur 25 grunnskóla
• 143 (31,3%) nemendur í dagskóla Versló
• 140 (30,6%) nemendur 24 framhaldsskóla
• 2 (0,4%) nemendur 2 erlendra skóla
• 3 (0,7%) nemendur háskóla
• 106 (23,2%) nemendur ekki skráðir í skóla

Að auki eru 31 nemendur skráðir í fagnám verslunar og þjónustu.

Kyn

Af 457 fjarnemendum eru konur 266 (58,2%) en karlar 191 (41,8%).

Aldur

Meðalaldur fjarnemenda er 19,95 ár.

Yngsti fjarnemandinn er fæddur 2010 en það er stúlka sem leggur stund á spænsku. Hún verður 14 ára á þessu ári og er því væntanlega í áttunda bekk grunnskólans.

Næst yngstu fjarnemandur eru fæddir 2009, þeir eru níu talsins og væntanlega núna í níunda bekk framhaldsskólans. þeir eru skráðir í dönsku, ensku, frönsku, spænsku, stærðfræði og þýsku.

Elsti nemandi fjarnámsins er fæddur 1943, en það er karlmaður sem leggur stund á fönsku.

Næst elsti nemandi fjarnámsins er fæddur 1951, en það er kona sem stundar spænskunám.

Alls eru 31 fjarnemendur (tæplega 7%) fæddir á síðustu öld, það er fyrir árið 2000.

Á milli elsta og yngsta fjarnemandans er 67 ára aldursmunur.

Þegar aldursdreifing fjarnemenda er skoðuð kemur í ljós að tveir þriðju hlutar fjarnemenda eru fæddir á árunum 2004, 2005, 2006 og 2007, en það eru nemendur sem eru á hefðbundunum framhaldsskóla aldri (miðað við þriggja ára námsbrautir) og einn árgangur sem er eldri. Hluti þeirra síðst töldu gætu hafa lokið stúdentsprófum en eru að bæta við sig áföngum vegna fyrirhugaðs háskólanáms.

• Fjölmennasti árgangurinn eru nemendur sem eru fæddir 2005 en þeir eru núna væntanlega á þriðja ári framhaldsskólans. 106 eða 23,19%.
• Næst fjölmennasti árgangurinn eru nemendur fæddir árið 2006, en þeir eru núna væntanlega á öðru ári framhaldsskólans. 89 eða 19,50%.
• Þriðji fjölmennasti árgangurinn eru nemendur fæddir árið 2007, en þeir eru núna væntanlega á fyrsta ári framhaldsskólans. 56 eða 12,25%.
• Jafn fjölmennir eru árgangar fæddir 2004 og 2008, en þeir eru á fjórða ári framhaldsskólans, eða þeir hafa lokið stúdentsprófi og eru að undirbúa sig fyrir háskólanám og síðan nemendur fæddir 2008, en þeir eru í tíunda bekk grunnskólans. 55 eða 12,03%.

Sjá nánar á þessari mynd:

Myndin sýnir aldursdreifingu fjarnemenda VÍ á vorönn 2024

Búseta

Ef marka má póstnúmer sem nemendur skrá, búa flestir fjarnemendur í 210, næst flestir í 200 og síðan í 108, 220, 221, 110 og 201.

Rúmlega 84% fjarnemenda býr í póstnúmerum á bilinu frá 101-270, en tæplega 16% nemenda annars staðar á landinu eða erlendis. Innan við 1% á Vesturlandi og Vestfjörðum, rúmlega 7% á Norðurlandi, tæplega 1% á Austfjörðum, rúm 4% á Suðurlandi og um 2% erlendis.

Einingar

Að meðaltali tekur hver nemandi 7,60 nýjar framhaldsskólaeiningar.

Samantekt

Meðalfjarnemandinn okkar er því tæplega 20 ára kona sem býr í Garðabæ og tekur hún tæpa tvo áfanga í fjarnámi á önninni.