Fyrirlestur um Íran í tengslum við bókina Persepolis

Nemendur á 1. ári hafa undanfarnar vikur lesið bókina Persepolis í ensku, þar sem segir frá uppvexti ungrar stúlku í Íran á tímum byltingarinnar árið 1979. Bókin veitir persónulega og áhrifaríka innsýn í samfélagsbreytingar, mannréttindi og daglegt líf í landi sem margir þekkja lítið til.

Til að dýpka skilning nemenda á sögulegu og menningarlegu samhengi bókarinnar heimsótti Kjartan Orri Þórsson, sérfræðingur í málefnum Írans, skólann og hélt fræðandi erindi. Hann sagði frá sögu landsins, afleiðingum byltingarinnar og hvernig hún hefur mótað íranskt samfélag fram á þennan dag.

Heimsóknin tengdi námsefnið við raunveruleikann á lifandi hátt og var góð viðbót við lestur nemenda. Við þökkum Kjartani Orra kærlega fyrir heimsóknina.