Kvikmyndahátíð í skólanum

Í dag var haldin glæsileg kvikmyndahátíð í skólanum þar sem nemendur á þriðja ári nýsköpunar- og lista­brautar sýndu afrakstur vetrarins. Stuttmyndirnar eru samþættingarverkefni ensku, íslensku og heimspeki og lista. Þema verkefnisins var „Hvernig skal breyta“, og spannar það vítt svið hugmynda.  Áhorfendur, sem voru m.a. nemendur á fyrsta og öðru ári sömu brautar, fengu að sjá fjölbreyttar og skapandi myndir. Það var greinilegt að mikill metnaður og ímyndunarafl hafði farið í vinnuna.

Að lokinni sýningu var haldin pizzaveisla  þar sem nemendur ræddu myndirnar. Hátíðin tókst vel til og endurspeglaði þann sköpunarkraft sem einkennir nýsköpunar- og lista­brautina.