12.11.2021 Nemendur heimsækja Hamborg Þann 4. nóvember síðastliðinn fóru 22 nemendur af 3. ári ásamt tveimur kennurum til Hamborgar og dvöldu þar til 11. nóvember. Um er að ræða Etwinning verkefni á milli Verzlunarskólans og Ida Ehre skólans í Hamborg. Nemendur unnu að sameiginlegu verkefni þar sem þeir kynntu sér sögulegar byggingar og staði í Hamborg. Íslensku nemendurnir unnu einnig sjálfstætt að verkefni þar sem þeir kynntu sér nýja hverfið „Hafencity“ í Hamborg. Ýmsir þættir voru skoðaðir eins og t.d. arkitektúr, samgöngur og sjálfbærni. Fyrir utan verkefnavinnu í skólanum var t.d. farið í skoðunarferð um borgina, siglingu um höfnina og farið í skemmtigarð innanhúss. Gist var á farfuglaheimili vegna Covid 19 og gekk það mjög vel. Þýsku nemendurnir tóku mjög vel á móti íslensku nemendunum og náðu hóparnir mjög vel saman. Þeir hittust alla daga, bæði í verkefnum og leik. Ferðin heppnaðist virkilega vel og nemendur okkar voru skólanum til mikils sóma. Nú hlökkum við til að taka á móti þýska hópnum í febrúar.