Algengar spurningar

Hvað þarf að skoða þegar farið er í Moodle í fyrsta sinn?

Kennslukerfið okkar er hýst í Moodle og lítum við á það sem skóla í netheimum. Þar á hver áfangi sitt svæði og að auki er þar Marmarinn sem allir fjarnemendur okkar hafa aðgang að. Marmarinn er nokkurs konar miðrými skólans í netheimum og þar eru ýmsar upplýsingar fyrir fjarnemendur, auk þess sem fjarnemendur geta þar verið í samskiptum við aðra fjarnemendur og fjarnámsstjóra. Þegar þú kemur inn í kennslukerfið, kemur fram þitt heimasvæði: Marmarinn og áfanginn/áfangarnir sem þú valdir. Smelltu á áfanga og skoðaðu.

 

Til hægri á heimasvæði þínu er Stikla, þú getur alltaf komist aftur á þitt heimasvæði með því að ýta þar á Forsíða vefs. Smelltu á Heimasvæði og þá sérðu áfangana þína og að auki óleyst verkefni ef einhver eru:

 

Skoðaðu því næst Áherslur á vefnum, þar sérðu Blogg, Tög og Dagatal. Tög eru áhugamál notenda kennslukerfisins og þú getur skráð þín áhugamál ef þú vilt (sjá síðar). Þarna koma einnig fram tilkynningar ef einhverjar eru:

 

Fyrir neðan Stikluna, er svæði þar sem þú getur vistað einkaskrár þína, t.d. verkefni sem þú ætlar að vinna betur í síðar:

 

Ef þú smellir á píluna í hægra horninu efst, þá dettur niður felligluggi með ýmsum stöðum, þar á meðal eru Stillingar:

 

Þarna er hægt að breyta lykilorði og velja tungumálið sem kennslukerfið birtist þér á. Taktu eftir að þar getur þú valið sjálfgefið tungumál, það skal tekið fram að um 80% af kerfisupplýsingum hafa verið þýddar á íslensku. Smelltu síðan á Breyta stillingum notanda og skoðaðu hverju þú getur breytt þar.

 

Þarna getur þú líka sett inn mynd af þér (smelltu á veldu skrá) og skráð inn áhugamál og munu þau þá birtast sem Tög til hægri á síðunni. Að lokum þarf svo að vista upplýsingar með því að smella á Uppfæra stillingar notanda.

 

Skoðaðu endilega fleiri möguleika á fosíðunni, þú getur ekkert skemmt.

 

Hér getur þú nálgast upplýsingarnar í PDF skjali: Hvað þarf að skoða þegar farið er í Moodle í fyrsta sinn?

Gangi þér vel!