Algengar spurningar

Umsjónarkennari

Umsjónarkennari er skipaður fyrir hvern bekk í upphafi annar. Hlutverk umsjónarkennara er margvíslegt og má þá helst nefna:

• Taka á móti bekk sínum í upphafi annar.
• Kynna nemendum heimasíðu skólans, þ.e. upplýsingar um skólann, námið, þá þjónustu sem er í boði og fjarnámið.
• Kynna Innu fyrir nemendum og hvaða upplýsingar verða aðgengilegar þar.
• Kynna nemendum í byrjun hvers skólaárs reglur skólans er snúa að:
  – Einkunnagjöf.
  – Námsmati, prófum og verkefnum.
  – Mætingarskyldu og mætingareinkunn.
  – Umgengni um skólann.
  – Aðgangi að bókasafni og tölvustofum skólans.
• Fylgjast með mætingu og ástundun nemenda.
• Hafa eftirlit með ástundun í námi sinna nemenda sem og félagslega þættinum.
• Fylgjast með hvort nemandinn aðlagist félagslega eða sýni að sér frávik í hegðun.
• Hafa samband við námsráðgjafa eða aðra ef þurfa þykir um tiltekin málefni.
• Vera námsráðgjöfum eða skólastjórnendum innan handar ef upp koma mál er varða nemanda.
• Vera talsmaður nemenda gagnvart öðrum kennurum og skólayfirvöldum.
• Fylgjast með og leiðbeina nemendum um vinnubrögð í námi o.fl.
• Sitja einn fund á ári með forráðamönnum ólögráða nemenda.
• Aðstoða nemendur við námsval og/eða beina þeim til námsráðgjafa.