LIST 2LI 05 - Listasaga

Grunnáfangi

Sjá nánar um hæfniviðmið í skólanámskrá VÍ. Námsmat kann að vera öðruvísi í fjarnámi og dagskóla.

Áfangalýsing

Í áfanganum eiga nemendur að kynnast þróun vestrænnar listsköpunar frá fornöld til okkar daga. Að honum lokum eiga þeir að  þekkja helstu listastefnur, einkenni þeirra og þann jarðveg sem þær spruttu úr.Loks eiga nemendur að geta gert grein fyrir helstu listamönnum hvers tíma og þeirra helstu verkum.

Efninu er skipt upp í 11 hluta og er reiknað með að nemendur séu í um viku með hvern þeirra. Námsefnið samanstendur af glærum, talglærum og köflum úr bókinni Saga listarinnar. Að loknum hluta 4 og hluta 8 taka nemendur gagnvirk próf sem gilda til lokaeinkunnar og eiga einnig að gefa þeim hugmynd um stöðu sína í náminu. Að öðru leyti samanstendur námsefnið að ritunarefni þar sem nemendur velja listastefnu til að fjalla um og svo skriflegu lokaprófi í lok annar.

Efnislýsing

Evrópsk list þ.e. byggingarlist, höggmyndalist og málaralist og helstu liststefnur s.s. grísk myndlist, miðaldalist (rómanskur og gotneskur stíll), endurreisnarlist, barokk og rókóko, nýklassík, rómantík og raunsæi. Einnig impressionismi og expressionismi á síðustu öld og fram yfir aldamót og helstu liststefnur 20. aldar.

Námsmat                                                                    

  • 40%: Gagnvirk próf tekin á Moodle úr efni áfangans. Þessi hluti er skylda.
  • 60%: Hér hafa nemendur val:
    • Kostur númer er eitt er að taka skriflegt lokapróf úr efni áfangans í lok annar sem gildir 60%. 
    • Kostur númer tvö er að gera ritgerð um listastefnu og glærukynningu um listamann sem saman gilda 60%.

Námsefni

Saga listarinnar e. E.H. Gombrich í þýðingu Halldórs Runólfssonar. Síðast gefin út árið 2008 af Bókafélaginu Opnu.