SAGA3MH05

Áfanginn fjallar um tímabilið frá millistríðsárunum til ársins 2020 og samtvinnar bæði Íslands- og mannkynssögu. Meðal viðfangsefna eru, ris kommúnisma og nasisma, seinni heimsstyrjöldin, Kalda stríðið, góðærisskeið eftirstríðsáranna á Vesturlöndum, ýmsir straumar og stefnur í samfélögum þessa tíma, s.s. kvenréttindabaráttan og baráttan fyrir réttindum minnihlutahópa og æskulýðsbyltingin. Ítarlega er fjallað um sjálfstæðisbaráttu nýlendnanna og þróun mála á Íslandi, í Evrópu, miðausturlöndum, Kína, Bandaríkjunum og Indlandi síðustu áratugi. Að lokum eru teknar fyrir ýmsar áskoranir og álitaefni, pólitísk og ópólitísk, sem heimurinn stendur frammi fyrir í dag.

Hugtök: Staða Íslands í alþjóðasamfélaginu, kynþáttafordómar, jafnrétti, þjóðernishreinsanir, þjóðríkið, milliríkjasamtök og yfirþjóðlegar stofnanir, alþjóðleg samvinna, jöfn og misjöfn skipting lífsgæða, stjórnskipun, forsetaræði, valdmörk stjórnmálamanna, kosningar og kosningafyrirkomulag.

• Lokapróf sem gildir 65% af lokaeinkunn. Ná þarf lágmarkseinkunn 4,5 á prófinu.
• Skil á tveimur spurningaverkefnum sem gilda samtals 10%
• Verkefni um kalda stríðið sem gildir 15%
• Stutt gagnvirkt próf úr efninu sem gildir 10%

• Bókin sem við notum heitir Íslands og mannskynssaga NBII og fæst einungis sem netbók á eftirarandi slóð:
  https://islands-ogmannkynssaga2.vefbok.forlagid.is/ Hún er skrifuð af Gunnari Þór Bjarnasyni og Margréti Gunnarsdóttur og gefin út af Forlaginu.