3. fundur 2023 - 26. janúar

Mættir:

Þorkell H. Diego, Unnur S. Eysteinsdóttir, Rut Tómasdóttir, Aron Atli Gunnarsson,  Valgerður Eyja Eyþórsdóttir og Guðrún Inga Sívertsen sem ritar fundargerð. 

Dagskrá fundar:

1. Erindi til skólaráðs
2. Breytingar á fjarvistarskráningum nemenda
3. Niðurstöður úr kennslukönnun – spurningar um félagslíf
4. Próftafla vorannar
5. Framkvæmdir á húsnæði skólans
6. Gleði – og forvarnardagurinn
7. Önnur mál
   1. rýnihópar nemenda vegna námsbrauta
   2. Innu app – rýnihópur hjá Advania
   3. umgengni í skólanum 

Erindi til skólaráðs:

Engin formlega erindi bárust skólaráði á milli funda 

Breytingar á fjarvistarskráningum nemenda: Skólastjóri fór yfir breytingar í fjarvistarskráningum sem tóku gildi um áramót. Markmið breytinganna er að ná öllum skráningum í gegnum INNU. Einnig er sú breyting að nú geta nemendur sótt um leyfi vegna einkaerinda sem áður var ekki hægt. Nánari upplýsingar má sjá í fylgigögnum. 

Niðurstöður úr kennslukönnun:

spurningar um félagslíf: Rætt var um niðurstöður á þeim spurningum í kennslukönnun sem fjölluðu um félagslíf nemenda. Eftirfarandi texti fer inn í sjálfsmatsskýrslu skólans. Gröfin sýna niðurstöðurnar en þau fara ekki inn í skýrsluna. 

Ákveðið var að setja inn tvær spurningar varðandi félagslífið og virðist rúmum 30% finnast félagslífið ekki vera fyrir alla nemendur skólans sem ekki er gott. Enn fleirum finnst ekki að allir nemendur skólans hafi jöfn tækifæri til að taka þátt í nefndum eða skipulagi félagslífsins eða yfir 50% í öllum þremur árgöngum. Er þetta umhugsunarefni og tækifæri til umbóta hér með hjálp stjórn nemendafélagsins.